Strukturat Negociuese

Procesi i Negociatave

July 10, 2019

Kapitujt e acquis

July 12, 2019

Published by connect at July 12, 2019

KUSH NEGOCION ÇFARË?

Në dhjetor të vitit 2018, qeveria shqiptare miratoi Vendimin Nr. 749 Datë 19.12.2018 për “Për krijimin, organizimin dhe funksionimin e strukturës shtetërore, përgjegjëse për negociimin dhe përfundimin e traktatit të aderimit të Republikës së Shqipërisë me Bashkimin Evropian“.

Kjo strukturë ndan dhe një qasje më gjithëpërfshirëse me aktorët e tjerë në shoqëri në sajë të Platformës së Partneritetit për Integrimin Evropian, e cila ka funksionin e informimit, konsultimit, komunikimit dhe përfshirjes së shoqërisë civile, grupeve të interesit, sindikatave, botës akademike dhe organeve të njësive të vetëqeverisjes vendore në procesin e negociatave për anëtarësim në BE dhe në procesin e stabilizim-asocimit.

Struktura përgjegjëse për negociatat sipas këtij vendimi përbëhet nga:

Komiteti Shtetëror për Integrimin Evropian;
Delegacioni Shtetëror;
Grupi Negociator;
Misioni i Shqipërisë në Bashkimin Evropian;
Sekretariati i Integrimit Evropian;
Grupet Ndërinstitucionale të Punës;
Platforma e Partneritetit për Integrimin Evropian.

Një rol të veçantë në strukturën e negociatave zë gjithashtu Ministri për Evropën dhe Punët e Jashtme, si koordinatori kombëtar për integrimin evropian si dhe Kryenegociatori, i cili do të kryesojë grupin negociator gjatë zhvillimit të negociatave në nivel teknik.

Për të kuptuar më mirë strukturat e ngritura dhe përgjegjëse për procesin e negociatave si dhe detyrat e institucioneve të përfshira në këtë proces dhe ndërveprimin mes tyre, Instituti për Bashkëpunim dhe Zhvillim ka përgatitur një infografikë të thjeshtuar të këtij vendimi:

	Kapitujt e acquis
	Drejt hapjes së negociatave

INFOGRAFIK I THJESHTUAR "Kuadri Institucional i Procesit të Negociatave"

Ndërkohë me Urdhërin Nr.94 Datë 20.05.2019 “Për ngritjen, përbërjen dhe funksionimin e grupeve ndërinstitucionale të punës për integrimin evropian” janë ngritur tashmë 33 grupe ndërinstitucionale pune për 33 kapituj negociues.

Po kështu, Urdhëri Nr.113, Datë 30.08.2019 “Për format e pjesëmarrjes, funksionimin dhe Strukturën Institucionale të Platformës së Partneritetit për Integrimin Evropian” ka si qëllim:

të rrisë ndërgjegjësimin publik në procesin e anëtarësimit në BE;
të shpjegojë ndikimin e procesit të anëtarësimit për vendin dhe shoqërinë;
të informojë mbi procesin e negociatave dhe procesin e bërë për çdo fazë, duke krijuar mundësi për përthithjen e ekspertizës vendase në fushat përkatëse;
të mbështesë një përfaqësim gjithëpërfshirës të të gjithë partnerëve, publikë dhe privatë, në procesin e stabilizim-asociimit dhe anëtarësimit të Shqipërisë në BE;
të mundësojë aksesin e shoqërisë civile, të pushtetit vendor, të komunitetit të biznesit, të shoqatave të punëmarrësve, të botës akademike dhe të grupeve të interesit për këshillim e monitorim në fazat e programimit e zbatimit të asistencës së BE për procesin e integrimit evropian.

Platforma e Partneritetit për Integrimin Evropian (PPIE) organizohet me dy nivele përfaqësimi:

Bordi Drejtues, i cili drejton këtë strukturë dhe kryesohet nga Ministri për Evropën dhe Punët e Jashtme, ka në përbërje të tij 15 anëtarë (ndër të cilët Zëvendësministri për Evropën dhe Punët e Jashtme, Kryenegociatori, zyrtar të nivelit drejtues të MEPJ si dhe përfaqësues nga shoqatat e organeve të pushtetit vendor, shoqërisë civile, të komunitetit të biznesit, shoqatave të punëmarrësve dhe botës akademike) ;
33 Tryeza të Diskutimit dhe Këshillimit, të cilat krijohen në mënyrë analoge me kapitujt e acquis të Bashkimit Evropian.

Për të aksesuar dokumentat e plotë të ligjeve të përmendura, klikoni si më poshtë:

	VKM Nr.749, Datë 19.12.2018 “Për krijimin, organizimin dhe funksionimin e strukturës shtetërore, përgjegjëse për zhvillimin e negociatave me BE”
	Urdhër Nr.94, Datë 20.05.2019 “Për ngritjen, përbërjen dhe funksionimin e grupeve ndërinstitucionale të punës për integrimin Evropian”
	Urdhër Nr.93, Datë 20.05.2019 “Për organizimin dhe funksionimin e Komitetit Teknik të Grupeve Ndërinstitucionale të Punës”
	Urdhër Nr.113, Datë 30.08.2019 “Për format e pjesëmarrjes, funksionimin dhe Strukturën Institucionale të Platformës së Partneritetit për Integrimin Evropian”