SHQIPËRIA DHE BASHKIMI EVROPIAN

Marrja e statusit të vendit kandidat në Qershor të vitit 2014 shënoi një kthesë në marrëdhënien midis Shqipërisë dhe BE-së, duke ofruar një perspektivë më të qartë për të ardhmen e vendit në Bashkimin Evropian. Ndërkohë, hapja e negociatave me Shqipërinë në Mars të vitit 2020 shënon dhe momentin kyç drejt mbajtjes së Konferencës së parë Ndërqeveritare e cila simbolizon hapjen zyrtare të procesit të negociatave për anëtarësimin në BE.

Sidoqoftë, rrugëtimi i Shqipërisë në BE nuk fillon këtu. Ndaj, kjo hapësirë synon të informojë mbi datat kyçe të rrugëtimit të integrimit evropian të vendit tonë.

Për të kuptuar më mirë procesin e integrimit dhe anëtarësimit në BE, është nevojshme që qytetarët shqiptarë të kenë njohuri mbi dokumentat përkatës që rregullojnë marrëdhëniet midis BE-së dhe Shqipërisë. Këto dokumenta përfshijnë vendime, strategji, progres raporte, plane kombëtare dhe dokumenta të tjerë të cilat janë hartuar nga institucionet e Bashkimit Evropain, institucione të Republikës së Shqipërisë apo dhe think-tanks, ojf të ndryshme vendase dhe të huaja me fokus integrimin evropian.

Ndaj kjo hapësirë e Connect synon të informojë mbi dokumentat kryesore të procesit të integrimit evropian si Marrëveshja e Stabilizim Asocimit, progress raportet e përvitshme nga Komisioni Evropian si dhe strategjitë apo planet kombëtare të vendit tonë për të përmbushur qëllimin dhe objektivin kryesor kombëtar, atë të anëtarësimit në Bashkimin Evropian.